வெளிநாட்டு நன்கொடை முறைகேடு வி.டி.சதீசனுக்கு எதிராக சிபிஐ விசாரணை: கேரள ஊழல் தடுப்பு பிரிவு பரிந்துரை

கேரளத்தில் 'புனர்ஜனி' எனும் மறுவாழ்வு திட்டத்துக்காக வெளிநாட்டு நன்கொடை திரட்டியதில் முறைகேடுகளில் ஈடுபட்டதாக காங்கிரஸைச் சேர்ந்த பேரவை எதிர்க்கட்சித் தலைவர் வி.டி. சதீசன் மீது மாநில லஞ்ச ஒழிப்பு மற்றும் ஊழல் தடுப்புப் பிரிவு குற்றஞ்சாட்டியுள்ளது.

- 

இந்த வெளிநாட்டு நன்கொடை ஒழுங்குமுறைச் சட்ட விதிமீறல்கள் குறித்து சிபிஐ விசாரணை மேற்கொள்ளப்பட வேண்டும் என்று பரிந்துரைத்து, மாநில முதல்வரிடம் ஊழல் தடுப்புப் பிரிவு அறிக்கை சமர்ப்பித்துள்ளதாக அதிகாரபூர்வ வட்டாரங்கள் தெரிவித்தன.

ஏற்கெனவே சபரிமலை தங்கக் கவச விவகாரத்தில் முதல்வர் பினராயி விஜயனும், வி.டி. சதீசனும் கருத்து மோதல்களில் ஈடுபட்டு வருகின்றனர். கேரளத்தில் வரும் மார்ச்-ஏப்ரலில் பேரவைத் தேர்தல் நடைபெறவிருக்கும் நிலையில், மாநில லஞ்ச ஒழிப்புத் துறையின் நடவடிக்கை முக்கியத்துவம் பெற்றுள்ளது.

இது தொடர்பாக தகவலறிந்த வட்டாரங்கள் கூறியதாவது: தனது தொகுதியான பரவூரில் கடந்த 2018, வெள்ளத்தால் பாதிக்கப்பட்டோரின் மறுவாழ்வுக்காக மத்திய அரசின் அங்கீகாரத்துடன் வி.டி. சதீசன் ஒரு அறக்கட்டளையை உருவாக்கினார். இந்த அறக்கட்டளையின்கீழ் ‘புனர்ஜனி' திட்டத்துக்காக, விதிமுறைகளை மீறி வெளிநாட்டு நன்கொடைகளைப் பெற்றுள்ளார்.