மின்துறை தனியார்மயத்தைக் கண்டித்து புதுச்சேரியில் இண்டி கூட்டணி முற்றுகை போராட்டம்

திமுக - காங்கிரஸ் எம்எல்ஏக்கள் கைது

- 

புதுச்சேரி, செப். 8: மின் துறை தனியார்மயத்தைக் கண்டித்து இண்டி கூட்டணி கட்சியினர் திங்கள்கிழமை துணைநிலை ஆளுநர் மாளிகையைத் தடுப்புகளை மீறி முற்றுகையிட முயன்றனர். இதில் திமுக-காங்கிரஸ் எம்.எல்.ஏக்கள் உள்பட நூற்றுக்கணக்கானோர் கைது செய்யப்பட்டு பின்னர் விடுவிக்கப்பட்டனர்.

அண்மையில் அதானி நிறுவனம் புதுவை மின்துறையின் 100 சதவிகித பங்குகளை வாங்கியுள்ளதாக தகவல் பரவியது. ஆனால் இதை மின்துறை அமைச்சர் ஆ.நமச்சிவாயம் முற்றிலுமாக மறுத்தார். மின்துறை தொடர்பான வழக்கு சென்னை உயர்நீதிமன்றத்தில் நிலுவையில் உள்ளபோது எப்படி அதானி நிறுவனம் அதனை வாங்க முடியும்? அதானி நிறுவனத்தின் மீது சட்ட நடவடிக்கை எடுப்போம் என்றும் அவர் தெரிவித்தார்.