தமிழக சிறைகளில் விரைவில் 'டாமினன்ட்' கோபுரங்கள்!

கைதிகளின் கைப்பேசி ராஜ்ஜியத்தை ஒழிக்க நடவடிக்கை

- கே.வாசுதேவன்

சென்னை, ஜூலை 15: தமிழக சிறைகளில் கைப்பேசி சிக்னல்களை முற்றிலுமாக முடக்க செயற்கை நுண்ணறிவு உதவியுடன் 'டாமினன்ட் டவர்ஸ்' என்ற தொழில்நுட்பம் மூலம் இயங்கும் வலையமைப்புக் கோபுரங்கள் (நெட்வொர்க் டவர்ஸ்) அமைக்கப்பட உள்ளன.

தமிழக சிறைத் துறையின்கீழ் 9 மத்திய சிறைகள், 149 மாவட்ட சிறைகள், 5 பெண்கள் தனிச்சிறைகள், 82 கிளைச்சிறைகள், 3 திறந்தவெளி சிறைகள் உள்பட மொத்தம் 141 சிறைகள் உள்ளன. இவை 24,513 பேரை அடைப்பதற்குரிய வசதிகள் கொண்டவை. ஆனால், சுமார் 20,000 கைதிகள் தற்போது அடைக்கப்பட்டுள்ளனர். இவர்களில் 70 சதவீதம் பேர் விசாரணைக் கைதிகள், 30 சதவீதம் பேர் தண்டனைக் கைதிகள். மொத்தம் உள்ள கைதிகளில் 60 சதவீதம் பேர் மத்திய சிறைகளில் அடைக்கப்பட்டுள்ளனர்.