காமராஜர் சிலைக்கு முதல்வர், தலைவர்கள் மரியாதை

பெருந்தலைவர் காமராஜர் பிறந்தநாளையொட்டி அவரது திருவுருவச் சிலைக்கு முதல்வர் என்.ரங்கசாமி மற்றும் தலைவர்கள் மாலை அணிவித்து மரியாதை செலுத்தினர்.

- 

புதுச்சேரி, ஜூலை 15: பெருந்தலைவர் காமராஜரின் பிறந்தநாள் விழா அரசு சார்பில் செவ்வாய்க்கிழமை கொண்டாடப்பட்டது.

இதையொட்டி, புதுச்சேரி காமராஜர் சாலை - அண்ணா சாலை சந்திப்பில் அமைந்துள்ள அவரது சிலைக்கு முதல்வர் என்.ரங்கசாமி மாலை அணிவித்து மரியாதை செலுத்தினார். சட்டப்பேரவைத் தலைவர் ஆர்.செல்வம், அமைச்சர்கள் க.லட்சுமிநாராயணன், ஏ.ஜான் குமார், சட்டப்பேரவை துணைத் தலைவர் பெ.ராஜவேலு, அரசு கொறடா ஏ.கே.டி. ஆறுமுகம், சட்டப்பேரவை உறுப்பினர்கள் உள்ளிட்டோர் மாலை அணிவித்து மரியாதை செலுத்தினர்.