வாசிக்கும் தேசமே வழிநடத்தும் தேசம்

வாசிக்கும் தேசமே வழிநடத்தும் தேசம் என்று நெய்வேலி புத்தகக் கண்காட்சி நிறைவு விழாவில் தெலங்கானா மாநில ஆளுநர் ஜிஷ்ணு தேவ் வர்மா தெரிவித்தார்.

- 

நெய்வேலி, ஜூலை 13:

கடலூர் மாவட்டம், நெய்வேலியில் என்எல்சி நிறுவனம் சார்பில் 24-ஆவது நெய்வேலி புத்தகக் கண்காட்சி கடந்த 4-ஆம் தேதி தொடங்கி நடைபெற்று வந்தது. கண்காட்சியில் 190-க்கும் மேற்பட்ட அரங்குகள் அமைக்கப்பட்டு, பல லட்சக்கணக்கான புத்தகங்கள் விற்பனைக்கு காட்சிப்படுத்தப்பட்டிருந்தன. 10 நாள்கள் நடைபெற்ற கண்காட்சியை பல ஆயிரக்கணக்கான மாணவர்கள் உள்ளிட்டோர் பார்வையிட்டு, தங்களுக்குத் தேவையான புத்தகங்களை வாங்கிச் சென்றனர்.

புத்தகக்கண்காட்சியின் நிறைவு நாள் நிகழ்ச்சி நெய்வேலி வட்டம் 11 பகுதியில் உள்ள பழுப்பு நிலக்கரி அரங்கில் ஞாயிற்றுக்கிழமை நடைபெற்றது. விழாவில் முதன்மை விருந்தினராக கலந்துகொண்ட தெலங்கானா ஆளுநர் ஜிஷ்ணு தேவ் வர்மா பேசியதாவது:

ஏராளமான பள்ளி மாணவர்கள் புத்தகக் கண்காட்சிக்கு வந்திருப்பது மகிழ்ச்சியளிக்கிறது. வாசிக்கும் தேசமே வழிநடத்தும் தேசம்.