கிடப்பில் தடுப்பணை திட்டங்கள்

தமிழக டெல்டா பாசனத்துக்காக மொத்தம் 177.25 டிஎம்சி தண்ணீரை கர்நாடகம் காவிரியில் ஆண்டுதோறும் விடுவிக்க வேண்டும். ஆனால், இந்தத் தண்ணீரை முழுமையாக வழங்காமல் கர்நாடகம் இழுத்தடிக்கும் கொடுமை தொடர்கிறது.

- ஐவி.நாகராஜன்

இதற்கிடையே, காவிரியில், சில ஆண்டுகளில் அதிக அளவு தண்ணீர் வரும்போது, தமிழகத்தில் அதை சேமித்து வைக்க வழியில்லாமல் கடலில் வீணாக்கும் கொடுமையும் தொடர்கிறது.

2020-21-இல் கர்நாடகத்தில் இருந்து வந்த தண்ணீரில் 192 டிஎம்சி பாசனத்துக்கும், மீதி 16.3 டிஎம்சி கடலுக்கும் சென்றது. 2021-22-இல் 189 டிஎம்சி பாசனத்துக்கும், மீதி 904 டிஎம்சி கடலுக்கும் போய் சேர்ந்தது. 2022-23-இல் பாசனத்துக்கு 89 டிஎம்சி மட்டுமே பயன்படுத்தப்பட்ட நிலையில், 489 டிஎம்சி கடலுக்கு போய் சேர்ந்தது.

கடந்த 2024-25-இல் 88 டிஎம்சி பாசனத்துக்கும், மீதி 63 டிஎம்சி கடலுக்குச் சென்றது. தண்ணீரை தேக்கி வைக்க முறையான திட்டங்கள் இல்லாததும் தேக்கி வைக்க தொடங்கப்பட்ட திட்டங்கள் பயன்பாட்டுக்கு வராமல் இருப்பதுமே இதற்கு முக்கிய காரணம்.

மேட்டுர் அணை முழுக்கொள்ளளவை எட்டினால் உபரிநீர் வெளியேற்றப்படும் போது, அணைக்கரையில் இருந்து கொள்ளிடம் ஆற்றில் திறந்து விடுவது வழக்கம். இந்தப் பகுதியில் நிலத்தடி நீர் அளவு குறைந்தால், குடிநீர் விநியோகம் பாதிக்கும் என்பதால், 2014-இல் அப்போதைய முதல்வர் ஜெயலலிதா ரூ.400 கோடியில் மயிலாடுதுறை மாவட்டம், குமாரமங்கலம் - கடலூர் மாவட்டம், ஆதனூர் இடையே கதவணை கட்டப்படும் என்று அறிவித்தார். ஆனால், இப்போதுதான் அந்த கதவணை கட்டுமானப் பணி

தடுப்பணைகள் கட்டப்பட்டுள்ளன. ஆனாலும், தண்ணீரைச் சேமிக்க முடியாத சூழல் உள்ளது.