அரசுப் பள்ளிகளில் ‘மகிழ் முற்றம்’ குழுக்கள்: ஜூலை 11-இல் பதவியேற்பு

அரசுப் பள்ளிகளில் மாணவர்களிடையே சமூக மனப்பான்மையை வளர்க்கவும், வேற்றுமையை களையவும் உருவாக்கப்பட்ட ‘மகிழ் முற்றம்’ மாணவர் குழுக்களின் பதவியேற்பு நிகழ்ச்சி ஜூலை 11-ஆம் தேதி நடைபெறவுள்ளது.

- 

சென்னை, ஜூலை 4:

மகிழ் முற்றம் என்பது தமிழகத்தில் உள்ள அரசுப் பள்ளிகளில் மாணவர்களின் தலைமைப் பண்புகளை வளர்க்கும் நோக்கத்துடன் செயல்படுத்தப்படும் ஒரு திட்டம். இந்தத் திட்டத்தில், மாணவர்கள் குறிஞ்சி, முல்லை, மருதம், நெய்தல், பாலை என ஐந்து குழுக்களாகப் பிரிக்கப்பட்டு, ஒவ்வொரு குழுவுக்கும் பொறுப்பாசிரியர்கள் நியமிக்கப்படுவர்.

இந்தக் குழுக்கள் மூலம் மாணவர்களிடம் அரசியல் அறிவுசார்ந்த அனுபவங்கள் மற்றும் ஆளுமைத் திறன் மேம்பட மாதிரி சட்டப்பேரவை, நாடாளுமன்றம் நடத்தப்படும். இதற்காக தலைமை ஆசிரியர்கள், ஆசிரியர்களுக்கு பயிற்சிகள் வழங்கப்படும்.