9% வளர்ச்சி கண்ட சிமென்ட் விற்பனை

இந்திய சிமென்ட் துறையில் கடந்த மே மாதம் 9 சதவீத விற்பனை வளர்ச்சி பதிவாகியுள்ளது.

- 

புது தில்லி, ஜூன் 30: இதுகுறித்து சந்தை மதிப்பீட்டு நிறுவனமான இக்ரா வெளியிட்டுள்ள அறிக்கையில் தெரிவிக்கப்பட்டுள்ளதாவது: கடந்த மே மாதத்தில் சிமென்ட் விற்பனை 3.96 கோடி டன்னாக உள்ளது, இது கடந்த ஆண்டின் இதே மாதத்தை விட 9 சதவீதம் அதிகம்.

அதேபோல், சிமென்ட் விலையும் 8 சதவீதம் உயர்ந்து, 50 கிலோ மூட்டைக்கு சராசரியாக ரூ.360-ஆக உள்ளது. நிலக்கரி, பெட்கோக் போன்ற எரிசக்தி செலவுகள் குறைவாகவும், டீசல் விலை நிலையாகவும் இருந்ததால், துறையின் இயக்க லாபம் மேம்பட்டுள்ளது.