சாதனை வீராங்கனை சந்திக்க இருக்கும் சவால்கள்!

விண்வெளியில் ஈர்ப்பு விசை இல்லாத காரணத்தால் வீரர்கள் மிதப்பதை பார்ப்பதற்கு வேடிக்கையாக இருக்கும் என்றபோதும், பூமிக்குத் திரும்பும்போது உடல் ரீதியில் நீண்ட காலத்துக்கு பல்வேறு பிரச்னைகளை அவர்கள் சந்திக்க நேரிடும் என்று நிபுணர்கள் கருத்து தெரிவித்தனர்.

- 

புது தில்லி, மார்ச் 19:

குறிப்பாக, தலை சுற்றல், நிற்க சிரமப்படுவது உள்ளிட்ட பாதிப்புகளை நீண்ட காலத்துக்கு எதிர்கொள்ள நேரிடும் என்று தெரிவித்தனர்.

தற்போது சர்வதேச விண்வெளி நிலையத்திலிருந்து 286 நாள்களுக்குப் பிறகு பூமிக்குத் திரும்பியுள்ள நாசா சுனிதா வில்லியம்ஸ் உள்பட நால்வரும் இது போன்ற உடல் பாதிப்புகளை சில காலத்துக்கு எதிர்கொள்ள வாய்ப்புள்ளதாகக் கூறப்படுகிறது.

அதன் காரணமாக, அவர்கள் நால்வரும் நலவாழ்வு மையத்தில் ஒரு மாதத்துக்கு மேல் தீவிர பயிற்சி அளிக்கப்பட்ட பின்னரே, அவர்களின் வீடுகளுக்குச் செல்ல அனுமதிக்கப்படுவர்.

விண்வெளி ஆய்வு நிலையத்தில் தங்கி ஆய்வுகளை மேற்கொண்டுவிட்டு பூமிக்குத் திரும்பிய பிறகு நடப்பதற்கு சிரமப்பட்டதோடு, தலை சுற்றல் மற்றும் பார்வையும் மங்கியது என்று ஏற்கெனவே விண்வெளிக்கு சென்று வந்த விண்வெளி வீரர்கள் தெரிவித்திருக்கின்றனர்.