ஏழைகளின் முன்னேற்றத்துக்கு அதிகாரத்தைப் பயன்படுத்துங்கள்

சமூகத்துக்கு, சக மனிதர்களுக்கு, எளியோர்களுக்கு உதவுவதற்கும், அவர்களது வாழ்க்கை முன்னேற்றத்துக்கும் அதிகாரத்தைப் பயன்படுத்த வேண்டும் என யுபிஎஸ்சி தேர்வு வெற்றியாளர்களுக்கு முதல்வர் மு.க.ஸ்டாலின் அறிவுரை வழங்கினார்.

- 

சென்னை, ஏப். 26:

'நான் முதல்வன்' திட்டம், தமிழக அரசால் நடத்தப்பட்டுவரும் அகில இந்திய குடிமைப் பணித் தேர்வு பயிற்சி மையத்தில் பயிற்சி பெற்று யுபிஎஸ்சி தேர்வில் வெற்றி பெற்ற 50 மாணவ, மாணவிகளுக்கான பாராட்டு விழா சென்னை அண்ணா நிர்வாகப் பணியாளர் கல்லூரியில் சனிக்கிழமை நடைபெற்றது.

விழாவுக்கு முதல்வர் மு.க.ஸ்டாலின் தலைமை வகித்து யுபிஎஸ்சி வெற்றியாளர்களுக்கு பாராட்டுச் சான்றிதழ், நினைவுப் பரிசு ஆகியவற்றை வழங்கிப் பேசியதாவது:

நான் முதல்வன்' என்கிற தன்னம்பிக்கை ஊட்டுகிற பெயர் வைத்து, 2022-ஆம் ஆண்டில் எனது பிறந்த நாளில் இந்தத் திட்டத்தை தொடங்கி வைத்தேன். அந்தத் திட்டத்தின் மீது கொண்டிருந்த நம்பிக்கை தற்போது பலனளித்திருக்கிறது.