சலுகைக் கட்டணத்தில் மெட்ரோ பாஸ்: மாணவர்களுக்கு தில்லி முதல்வர் உறுதி

சலுகைக் கட்டணத்தில் மெட்ரோ பாஸ்கள் வழங்கும் மாணவர்களின் நீண்ட கால கோரிக்கையை விரைவில் தில்லி அரசு நிறைவேற்றும் என்று முதல்வர் ரேகா குப்தா திங்கள்கிழமை தெரிவித்துள்ளார்.

- நமது நிருபர்

நமது நிருபர் புது தில்லி, செப்.1:

மேலும், இளைஞர்கள் தங்கள் கல்லூரி வாழ்க்கையை ஒரு நோக்கத்திற்காக இணைவதன் மூலம் மிகவும் மறக்க முடியாததாக மாற்ற வேண்டும் என்றும் கேட்டுக்கொண்டார்.

தில்லி பல்கலைக்கழக விளையாட்டு வளாகத்தில் அகில பாரதிய வித்யார்த்தி பரிஷத்தின் (ஏபிவிபி) வருடாந்திர நிகழ்ச்சியான 'ஸ்வயம்சித்தா 2025'-இல் முதல்வர் ரேகா குப்தா கலந்துகொண்டார்.

அந்நிகழ்ச்சியில் அவர் பேசியதாவது: நான் ஒரு மருத்துவர் அல்லது பொறியாளர் போன்ற பெரிய எதையும் கனவு கண்டதில்லை. என் குடும்பத்தில், ஒரு பெண் வேலையில் சேருவது ஒரு விருப்ப வாய்ப்பாகக் கூட இல்லை. ஆனால், நான் தௌலத் ராம் கல்லூரியில் படித்தபோது ஏபிவிபி யில் ஒரு மாணவியாக சேர்ந்தேன்.

அப்போது, பல மாதங்கள் நீடித்த ஒரு போராட்டத்தில் ஈடுபட்டேன்.