இந்தியாவில் வேலையில் இருப்போர் எண்ணிக்கை 64.33 கோடியாக உயர்வு

இந்தியாவில் கடந்த 2017-18-ஆம் ஆண்டு வேலையில் இருப்போர் எண்ணிக்கை 47.5 கோடியாக இருந்த நிலையில், 2023-24-இல் இந்த எண்ணிக்கை 64.33 கோடியாக உயர்ந்துள்ளது என்று மக்களவையில் வியாழக்கிழமை தெரிவிக்கப்பட்டது.

- 

புது தில்லி, ஜூலை 24:

இது தொடர்பான கேள்விக்கு மத்திய தொழிலாளர், வேலைவாய்ப்புத் துறை இணையமைச்சர் ஷோபா கரந்த்லஜே, இந்திய ரிசர்வ் வங்கி (ஆர்பிஐ) புள்ளிவிவரங்களை மேற்கோள் காட்டி எழுத்துமூலம் அளித்த பதிலில் மேலும் கூறியிருப்பதாவது:

உற்பத்தித் துறை வரையிலான நாட்டின் அனைத்து துறைகளிலும் பணியில் உள்ள எண்ணிக்கை குறித்து ஆர்பிஐ ஆண்டுதோறும் அறிக்கை வெளியிட்டு வருகிறது. அதன்படி நமது நாட்டில் வேலையில் உள்ள பெண்களின் எண்ணிக்கை ஆண்டுதோறும் அதிகரித்து வருகிறது. 2019-20-இல் பணிக்குச் செல்லும் பெண்கள் 28.7 சதவீதம் என்ற நிலையில் இருந்து 2023-24-இல் 40.3 சதவீதமாக அதிகரித்துள்ளது.