கொசு பெருக்க தடுப்புப் பணியாளர்களின் பிரச்னைகளுக்கு தீர்வு காண எம்சிடி ஆணையர், மேயருக்கு கவுன்சிலர் கடிதம்

கொசுக்களால் பரவும் நோய்களுக்கு எதிரான போராட்டத்தில் முக்கியப் பங்கு வகிக்கும் கொசு பெருக்கத் தடுப்புப் பணியாளர்களின் (டிபிசி) வேலைநிறுத்தத்துக்குத் தீர்வு காணுமாறு தில்லி மாநகராட்சி (எம்சிடி) ஆணையர் மற்றும் மேயரை மூத்த கவுன்சிலர் முகேஷ் கோயல் வலியுறுத்தியுள்ளார்.

- 

புது தில்லி, ஜூலை 23:

செவ்வாய்க்கிழமை தொடங்கிய காலவரையற்ற வேலைநிறுத்தம் குறித்து கவலை தெரிவித்த இந்திரபிரஸ்த விகாஸ் கட்சி (ஐவிபி) தலைவரும் மூத்த மாநகராட்சிக் கவுன்சிலருமான முகேஷ் கோயல், எம்சிடி ஆணையர் அஸ்வனி குமார் மற்றும் மேயர் ராஜா இக்பால் சிங் ஆகியோரிடம், நிலைமை கட்டுப்பாட்டை மீறுவதற்கு முன்பு, போராட்ட ஊழியர்களுடன் அவசரமாகப் பேசி அவர்களின் பிரச்னைகளைத் தீர்க்குமாறு கோரிக்கை விடுத்தார்.