மாம்பழ விவசாயிகளுக்கு ஊக்கத் தொகை: மத்திய அமைச்சரிடம் வலியுறுத்தல்

மாம்பழ விவசாயிகளுக்கு ரூ.62 கோடி ஊக்கத்தொகை வழங்க வேண்டும் என மத்திய வேளாண் துறை அமைச்சர் சிவராஜ் சிங் சௌஹானிடம் தமிழக உணவுப் பொருள் வழங்கல் துறை அமைச்சர் அர. சக்கரபாணி வலியுறுத்தினார்.

- நமது நிருபர்

புது தில்லி, ஜூன் 25:

தில்லியில் மத்திய வேளாண் துறை அமைச்சர் சிவராஜ் சிங் சௌஹான், மத்திய உணவு மற்றும் பொது விநியோகத் துறை அமைச்சர் பிரல்ஹாத் ஜோஷி ஆகியோரை தமிழக அமைச்சர் அர.சக்கரபாணி புதன்கிழமை நேரில் சந்தித்து மாநில அரசின் சார்பில் பல்வேறு கோரிக்கைகளை முன்வைத்தார்.

இந்தச் சந்திப்பின்போது நாடாளுமன்றதிமுககுழுத்தலைவர்கனிமொழி, மாநிலங்களவைக் குழுத்தலைவர் திருச்சி சிவா, தமிழ்நாடு அரசின் கூட்டுறவு, உணவு மற்றும் நுகர்வோர் பாதுகாப்புத் துறை முதன்மைச் செயலர் சத்தியபிரத சாகு, குடிமைப் பொருள் வழங்கல் துறை இயக்குநர் த.மோகன், தமிழ்நாடு நுகர்பொருள் வாணிபக் கழக மேலாண்மை இயக்குநர் பா.முருகேஷ் ஆகியோர் உடனிருந்தனர்.