சென்னை வெற்றி; கொல்கத்தாவுக்கு நெருக்கடி

ஐபிஎல் போட்டியின் 57-ஆவது ஆட்டத்தில் சென்னை சூப்பர் கிங்ஸ் 2 விக்கெட்டுகள் வித்தியாசத்தில், நடப்பு சாம்பியன் கொல்கத்தா நைட் ரைடர்ஸை புதன்கிழமை வீழ்த்தியது.

- 

கொல்கத்தா, மே 7: ஐபிஎல் போட்டியின் 57-ஆவது ஆட்டத்தில் சென்னை சூப்பர் கிங்ஸ் 2 விக்கெட்டுகள் வித்தியாசத்தில், நடப்பு சாம்பியன் கொல்கத்தா நைட் ரைடர்ஸை புதன்கிழமை வீழ்த்தியது.

முதலில் கொல்கத்தா 20 ஓவர்களில் 6 விக்கெட்டுகள் இழப்புக்கு 179 ரன்கள் சேர்க்க, சென்னை 19.4 ஓவர்களில் 8 விக்கெட்டுகள் இழந்து 183 ரன்கள் சேர்த்து வென்றது.

பிளே ஆஃப் பந்தயத்தில் நிலைக்க இந்த ஆட்டத்தில் வெற்றி பெற வேண்டிய கொல்கத்தா, தற்போது நூலிழை நம்பிக்கையுடன் காத்திருக்கிறது. தொடர்ந்து 4 தோல்விகளை சந்தித்த சென்னை, இந்த வெற்றியின் மூலம் மீண்டிருக்கிறது.