சிங்கப் பெண் சிறப்பு அதிரடிப் படைக்கு சிறப்புப் பயிற்சிகள்

சிங்கப் பெண் சிறப்பு அதிரடிப் படைக்கு துப்பாக்கி இயக்குதல் உள்ளிட்ட சிறப்புப் பயிற்சிகள் அளிக்கப்பட்டிருப்பதாக ஐஜி கே. பவானீஸ்வரி தெரிவித்தார்.

- 

சென்னை டிஜிபி அலுவலகத்தில் சிங்கப் பெண் சிறப்பு அதிரடிப் படை தலைமை அதிகாரியான ஐஜி கே. பவானீஸ்வரி, அந்தப் படையின் நோக்கம், செயல்பாடு குறித்து புதன்கிழமை அளித்த பேட்டி:

பெண்களுக்கு எதிரான குற்றங்களை விரைவாக கையாள்வதும், ஆபத்து காலங்களில் விரைந்து செயல்பட்டு அவர்களைப் பாதுகாப்பதும் சிங்கப் பெண் சிறப்பு அதிரடிப் படையின் முதன்மை நோக்கமாகும். இதற்காக பொது இடங்கள், பேருந்து நிலையம், அலுவலகம் உள்பட பல இடங்களில் இந்த அதிரடிப் படை போலீஸார் ரோந்து செல்வார்கள். பெண்களுக்கு எதிரான குற்றங்கள் எங்கெல்லாம் நிகழ்ந்துள்ளன அல்லது நிகழக்கூடும் என்ற விவரத்தை சேகரித்து அந்த இடங்களில் மீண்டும் குற்றங்கள் நிகழாதவாறு நடவடிக்கை மேற்கொள்ளப்படும்.