நலம் காக்கும் ஸ்டாலின்' முகாம்கள் மூலம் 2,196 பேர் பயன்

அமைச்சர் பி. மூர்த்தி

- 

மதுரை, ஆக. 23: மதுரையில் இரு இடங்களில் நடத்தப்பட்ட ‘நலம் காக்கும் ஸ்டாலின்’ திட்ட மருத்துவ முகாம்கள் மூலம் 2,196 பேர் பயனடைந்ததாக தமிழக வணிக வரி, பதிவுத் துறை அமைச்சர் பி. மூர்த்தி தெரிவித்தார்.

மதுரை மாவட்டம், அலங்காநல்லூர் பேரூராட்சியில் தாய் மேல்நிலைப் பள்ளியில் சனிக்கிழமை நடைபெற்ற ‘நலம் காக்கும் ஸ்டாலின்’ பல்நோக்கு சிறப்பு மருத்துவ முகாமைத் தொடங்கி வைத்து அவர் பேசியதாவது:

நலம் காக்கும் ஸ்டாலின் திட்டத்தின் கீழ், ஒரு வட்டாரத்துக்கு 3 பல்நோக்கு சிறப்பு மருத்துவ முகாம்கள் வீதம், 39 மருத்துவ முகாம்களும், மாநகராட்சிப் பகுதியில் 5 முகாம்களும் நடத்தத் திட்டமிடப்பட்டுள்ளது. இந்த முகாம்களில் பொது, கண், இருதய மருத்துவம் உள்பட 17 துறை சார் மருத்துவ நிபுணர்கள் பங்கேற்று, பரிசோதனை, சிகிச்சைகள் அளிக்கின்றனர்.