மடப்புரம் கோயில் காவலாளி கொலை வழக்கு: 5 காவலர்களுக்கு ஆக. 13 வரை காவல் நீட்டிப்பு

மடப்புரம் கோயில் காவலாளி அஜித்குமார் கொலை வழக்கில் தொடர்புடைய தனிப்படை காவலர்கள் 5 பேருக்கு வருகிற 13-ஆம் தேதி வரை காவலை நீட்டித்து, மதுரை மாவட்ட நீதிமன்றம் புதன்கிழமை உத்தரவிட்டது.

- 

மதுரை, ஆக. 6:

சிவகங்கை மாவட்டம், மடப்புரம் பத்ரகாளியம்மன் கோயிலுக்கு கடந்த ஜூன் 27-ஆம் தேதி வந்த பேராசிரியை நிகிதா, தனது காரில் வைத்திருந்த நகைகள் காணாமல் போனதாக திருப்புவனம் காவல் நிலையத்தில் புகார் அளித்தார்.

இதையடுத்து, அந்தக் கோயில் காவலாளி அஜித்குமாரை தனிப்படை போலீஸார் 5 பேர் விசாரணைக்கு அழைத்துச் சென்று தாக்கியதில் அவர் உயிரிழந்தார்.