கொல்லிமலையில் வல்வில் ஓரி விழா, மலர்க் கண்காட்சி தொடக்கம்

நாமக்கல் மாவட்டம், கொல்லிமலையில் இரண்டு நாள்கள் (ஆக.2,3) நடைபெறும் வல்வில் ஓரி விழா, மலர்க் கண்காட்சி, சுற்றுலா விழா சனிக்கிழமை தொடங்கியது.

- 

நாமக்கல் ஆக. 2:

தமிழக அரசு சார்பில் கொல்லிமலையில் ஆண்டுதோறும் வல்வில் ஓரி விழா கொண்டாடப்படுகிறது. நிகழாண்டு வாசலூர்பட்டி தாவரவியல் பூங்காவில் மலர்க் கண்காட்சி, கொல்லிமலை செம்மேடு பகுதியில் வல்வில் ஓரி விழா, சுற்றுலா விழா நடைபெறுகின்றன.

சேந்தமங்கலம் சட்டப்பேரவைத் தொகுதி உறுப்பினர் கு.பொன்னுசாமி சனிக்கிழமை காலை 10.30 மணியளவில் மலர்க் கண்காட்சியைத் தொடங்கிவைத்தார். அதன்பிறகு, வல்வில் ஓரி அரங்கத்தில் பல்வேறு அரசுத் துறைகள் சார்ந்த 22 அரங்குகளையும் அவர் திறந்து வைத்து வல்வில் ஓரியின் உருவப்படத்துக்கு மலர்தூவி மரியாதை செலுத்தினார்.

நிகழ்ச்சியில் கொல்லிமலை பழங்குடியின மக்களின் சேர்வை ஆட்டம், பல்வேறு கலை நிகழ்ச்சிகள் நடைபெற்றன.