ஓவல் டெஸ்ட்: வலுவான நிலையில் இந்தியா 396/10

யஷஸ்வி-ஆகாஷ் அபாரம், 373 ரன்கள் முன்னிலை

- 

லண்டன், ஆக. 2: இங்கிலாந்துக்கு எதிரான ஓவல் டெஸ்ட் கிரிக்கெட் ஆட்டத்தில் யஷஸ்வி ஜெய்ஸ்வால், ஆகாஷ் தீப் ஆகியோரின் அபார ஆட்டத்தால் இந்தியா 396/10 ரன்களுடன் வலுவான நிலையில் உள்ளது. ஜெய்ஸ்வால் தனது 6-ஆவது டெஸ்ட் சதத்தையும், ஆகாஷ் முதல் அரைசதத்தையும் பதிவு செய்தனர்.

உலக டெஸ்ட் சாம்பியன்ஷிப் தொடரின் ஒரு பகுதியாக இரு அணிகளுக்கு இடையில் 5 ஆட்டங்கள் தொடர் நடைபெற்று வருகிறது. இங்கிலாந்து 2-1 என முன்னிலை பெற்றுள்ள நிலையில் தொடரை சமன் செய்ய கடைசி மற்றும் 5ஆவது டெஸ்டில் இந்தியா கட்டாயம் வெல்ல வேண்டிய நிலையில் உள்ளது.

லண்டனின் ஓவல் மைதானத்தில் இரு அணிகளுக்கு இடையிலான கடைசி டெஸ்ட் ஆட்டம் நடைபெறுகிறது.

முதல் இன்னிங்ஸ்: இந்தியா 224/10: இந்திய அணி முதல் இன்னிங்ஸில் 69.4 ஓவர்களில் 224/10 ரன்களுடன் ஆல் அவுட்டானது. அதிகபட்சமாக காருண் நாயர் 57, சாய் சுதர்ஷன் 38 ரன்களை எடுத்தனர். மற்ற வீரர்கள் சொற்ப ரன்களுடன் நடையைக் கட்டினர். பௌலிங்கில் இங்கிலாந்து தரப்பில் கஸ் அட்கின்சன் 5-33, ஜோஷ் டங் 3-57 விக்கெட்டுகளை வீழ்த்தினர்.