தடுமாறும் இந்தியா; தோள் கொடுக்கும் கருண் நாயர்

இங்கிலாந்துக்கு எதிரான கடைசி கிரிக்கெட் டெஸ்ட்டில் இந்தியா முதல் நாள் ஆட்டநேர முடிவில் 6 விக்கெட்டுகள் இழப்புக்கு 204 ரன்கள் எடுத்ததுள்ளது.

- 

லண்டன், ஜூலை 31:

101 ரன்களுக்கே இந்தியா 4 விக்கெட்டுகளை இழந்து தடுமாறிய நிலையில், மிடில் ஆர்டரில் வந்த கருண் நாயர் கை கொடுத்து இந்திய அணியை மீட்டு வருகிறார். இங்கிலாந்து பௌலிங்கில் கஸ் அட்கின்சன், ஜோஷ் டங் சிறப்பாக செயல்பட்டனர். மழையும் இருமுறை தடையேற்படுத்தியது.

தி ஓவல் மைதானத்தில் வியாழக்கிழமை தொடங்கிய இந்த டெஸ்ட்டில், டாஸ் வென்ற இங்கிலாந்து, பந்துவீசத் தயாரானது. இந்திய பிளேயிங் லெவனில், ரிஷப் பந்த், ஷர்துல் தாக்குர், அன்ஷுல் காம் போஜ், ஜஸ்பிரீத் பும்ரா ஆகியோருக்குப் பதிலாக துருவ் ஜுரெல், கருண் நாயர், அர்ஷ்தீப் சிங், பிரசித் கிருஷ்ணா சேர்க்கப்பட்டனர்.