கேரள முன்னாள் முதல்வர் வி.எஸ். அச்சுதானந்தன் மறைவு

கேரள அரசியல் வரலாற்றில் நீண்ட காலமாக நிறைந்திருந்த மார்க்சிஸ்ட் கம்யூனிஸ்ட் கட்சியின் மூத்த தலைவரும், முன்னாள் முதல்வருமான வி.எஸ். அச்சுதானந்தன் திங்கள்கிழமை (ஜூலை 21) காலமானார்.

- 

திருவனந்தபுரம், ஜூலை 21: அவருக்கு வயது 101.

மாரடைப்பால் கடந்த 2023, ஜூன் மாதம் முதல் திருவனந்தபுரத்தில் உள்ள பட்டம், எல்யூடி மருத்துவமனையில் சிகிச்சை பெற்று வந்த அவர், திங்கள்கிழமை மாலை 3.20 மணிக்கு காலமானதாக மருத்துவமனை அறிவித்தது.

நாளை தகனம்: மருத்துவமனையிலிருந்து ஏகேஜி ஆய்வு மையத்தில் அவரது உடல் தொண்டர்கள், பொது மக்களின் அஞ்சலிக்காக கொண்டு செல்லப்பட்டது. பின்னர் இரவு 9 மணிக்கு திருவனந்தபுரத்தில் வசித்து வந்த வீட்டுக்கு அவரது உடல் கொண்டு செல்லப்பட்டது.

செவ்வாய்க்கிழமை காலை 9 மணிக்கு தர்பார் அரங்கில் பொது மக்கள் அஞ்சலிக்காக வைக்கப்படும். புதன்கிழமை அவரது சொந்த ஊரான ஆலப்புழைக்கு அவரது உடல் பேரணியாக கொண்டு சென்று வலிய மயானத்தில் அரசு மரியாதையுடன் தகனம் செய்யப்படும் என்று மார்க்சிஸ்ட் மாநில செயலர் எம்.வி. கோவிந்தன் தெரிவித்தார்.