சிவகங்கையில் 1,512 பேருக்கு ரூ. 24 கோடியில் நலத் திட்ட உதவிகள்

சிவகங்கை, ஜூன் 17: சிவகங்கையில் செவ்வாய்க்கிழமை நடைபெற்ற அரசு விழாவில் 1,512 பயனாளிகளுக்கு ரூ. 24 கோடியே 24 லட்சம் மதிப்பிலான நலத் திட்ட உதவிகளை துணை முதல்வர் உதயநிதி ஸ்டாலின் வழங்கினார்.

- 

சிவகங்கை மாவட்ட ஆட்சியர் அலுவலக வளாக மைதானத்தில் நடைபெற்ற அரசு விழாவுக்கு கூட்டுறவுத் துறை அமைச்சர் கே.ஆர்.பெரியகருப்பன் தலைமை வகித்தார். சட்டப்பேரவை உறுப்பினர்கள் ஆ. தமிழரசி ரவிக்குமார் (மானாமதுரை), எஸ். மாங்குடி (காரைக்குடி) ஆகியோர் முன்னிலை வகித்தனர்.