பாலியல் வன்கொடுமை வழக்கு தீர்ப்பு: முதல்வர், தலைவர்கள் வரவேற்பு

அண்ணா பல்கலைக்கழக பாலியல் வன்கொடுமை வழக்கில் வெளியான தீர்ப்புக்கு முதல்வர் மு.க.ஸ்டாலின் மற்றும் அரசியல் கட்சிகளின் தலைவர்கள் வரவேற்பு தெரிவித்துள்ளனர்.

- 

சென்னை, ஜூன் 2:

முதல்வர் மு.க.ஸ்டாலின்: பெண்கள் பாதுகாப்பு பற்றி வேடம் போடுபவர்களுக்குச் செயலால் பதில் அளித்திருக்கிறது தமிழ்நாடு காவல்துறை. விசாரணையின் போது, உயர் நீதிமன்றமே பாராட்டும் வகையில், சென்னை மாணவி வழக்கை நியாயமாகவும் விரைவாகவும் ஐந்தே மாதங்களில் நடத்தி முடித்து, குற்றவாளிக்கு கடும் தண்டனையைப் பெற்றுத் தந்திருக்கிறோம். இளம் பெண் ஒருவருக்கு நிகழ்ந்த அநீதியில்கூட அரசியல் ஆதாயம் தேட நினைக்கும் சிலரின் எண்ணம் இதனால் தவிடுபொடியாகியுள்ளது.

பாலியல் குற்றவாளிகளுக்கு முன்விடுதலை கிடையாது என அண்மையில் நாம் கொண்டு வந்த சட்டத்திருத்தத்துக்கு ஏற்ப, இவ்வழக்கில் எந்தச் சலுகையும் இல்லாமல் கடுங்காவல் தண்டனை விதித்துள்ள நீதிமன்றத்தின் தீர்ப்புக்கு நன்றி கூறி வரவேற்கிறேன்.