பொதுமக்களை இலக்கு வைத்து நீண்ட தொலைவு ஏவுகணைகள், ஆபத்தான ஆயுதங்களைப் பயன்படுத்தியது பாகிஸ்தான்

மத்திய வெளியுறவுச் செயலர் விக்ரம் மிஸ்ரி குற்றச்சாட்டு

- நமது சிறப்பு நிருபர்

நமது சிறப்பு நிருபர் புது தில்லி, மே. 10: இந்திய பகுதிகளில் அப்பாவிப் பொதுமக்களை இலக்கு வைக்க நீண்ட தொலைவு ஏவுகணைகள் உள்ளிட்ட ஆபத்தான ஆயுதங்களை பாகிஸ்தான் பயன்படுத்தியதாக இந்தியா குற்றம்சாட்டியது.

இதுதொடர்பாக தில்லியில் ராணுவ கர்னல் சோஃபியா குரேஷி, விமானப் படை விங் கமாண்டர் வியோமிகா சிங் ஆகியோருடன் மத்திய வெளியுறவுத்துறை செயலர் விக்ரம் மிஸ்ரி சனிக்கிழமை காலையில் செய்தியாளர்களிடம் பேசினார்.

அப்போது அவர், பாகிஸ்தான் ராணுவம் வெள்ளிக்கிழமை நள்ளிரவுக்குப் பின் 1.40 மணியளவில் இந்தியாவின் பஞ்சாபில் உள்ள விமானப் படை தளத்தையும் பொதுமக்களையும் தாக்க இலக்கிட்டு அதிவேக ஏவுகணைகளைப் பயன்படுத்தியது.