எச்சில் இலையில் அங்கபிரதட்சிணம்: அனுமதி அளித்த தனி நீதிபதியின் உத்தரவு ரத்து

எச்சில் இலையில் அங்கபிரதட்சிணம் செய்ய அனுமதி அளித்து தனி நீதிபதி பிறப்பித்த உத்தரவை சென்னை உயர்நீதிமன்ற மதுரை அமர்வு வியாழக்கிழமை ரத்து செய்தது.

- 

மதுரை மார்ச் 13:

கரூர் மாவட்டம், நெரூர் சத்குரு சதாசிவ பிரம்மேந்திராள் சபா தரப்பில் பக்தர்களுக்கு அன்னதானம் வழங்கவும், அவர்கள் சாப்பிட்ட இலையில் பக்தர்கள் அங்கபிரதட்சிணம் செய்யவும் அனுமதிக்கக் கோரி, சென்னை உயர்நீதிமன்ற மதுரை அமர்வில் வழக்கு தொடுக்கப்பட்டது. இந்த வழக்கை விசாரித்த தனி நீதிபதி, எச்சில் இலையில் அங்கபிரதட்சிணத்துக்கு அனுமதி அளித்து உத்தரவிட்டார். இதையடுத்து, கடந்தாண்டு, மே 18-ஆம் தேதி அங்கு எச்சில் இலையில் அங்கபிரதட்சிண நிகழ்வு நடைபெற்றது.

இந்த நிலையில், எச்சில் இலையில் அங்கபிரதட்சிணம் செய்ய அனுமதி வழங்கிய தனி நீதிபதியின் உத்தரவை ரத்து செய்யக் கோரி, கரூர் மாவட்ட ஆட்சியர், வருவாய்க் கோட்டாட்சியர், மண்மங்கலம் வட்டாட்சியர், திருவண்ணாமலையைச் சேர்ந்த அர்ச்சகர் அரங்கநாதன் ஆகியோர் மேல்முறையீட்டு மனுக்கள் தாக்கல் செய்தனர்.