ஐ.நா. துணை அமைப்புகளின் பணிகளில் வெளிப்படைத்தன்மை: இந்தியா வலியுறுத்தல்

ஐ.நா. பாதுகாப்பு கவுன்சிலின் துணை அமைப்புகளில் பயங்கரவாத அமைப்புகளுக்கு தடை கோரி முன்வைக்கப்படும் கோரிக்கைகள் மீது எடுக்கப்படும் நடவடிக்கைகளில் வெளிப்படைத்தன்மை தேவை என இந்தியா வலியுறுத்தியுள்ளது.

- 

ஜெனீவா, பிப். 28:

அந்தக் கோரிக்கையை நிராகரித்தாலோ அல்லது கிடப்பில் போட்டாலோ அதுகுறித்து தகவல்களை வெளிப்படையாக பொது வெளியில் வெளியிடுவதற்குப் பதில் குறிப்பிட்ட சிலர் மட்டுமே அதை அணுகுவது உண்மைத்தன்மையை மறைக்கும் 'வீட்டோ' அதிகாரம்போல் உள்ளதாகவும் குற்றஞ்சாட்டியுள்ளது.

ஐ.நா.வின் பணிகள் குறித்த விவாதத்தில் பங்கேற்று ஐ.நா.வுக்கான இந்திய பிரதிநிதி பி.ஹரீஷ் பேசியதாவது: உலகின் பல பகுதிகளில் மனிதகுலத்துக்கு அச்சுறுத்தல் ஏற்படும் வகையிலான நிகழ்வுகள் அரங்கேற்றிக் கொண்டிருக்கின்றன. இதில் தலையிட்டு பாதுகாப்பு மற்றும் அமைதிக்கு வழிவகுப்பது ஐ.நா.பாதுகாப்பு கவுன்சிலின் தலையாய கடமையாகும்.