சட்டவிரோத அத்துமீறல் கட்டடங்கள் இரக்கம் காட்ட முடியாது-உயர்நீதிமன்றம்

பெரும் தொகையை முதலீடு செய்து கட்டுமானங்களை எழுப்பிவிட்டார்கள் என்ற காரணத்துக்காக சட்டவிரோத கட்டுமானத்தை ஒருபோதும் அனுமதிக்க முடியாது என சென்னை உயர்நீதிமன்றம் தெரிவித்தது.

- 

சென்னை, பிப். 18: அதன்படி, சென்னை தியாகராய நகரில் அனுமதியின்றி கட்டப்பட்டுள்ள வணிகக் கட்டடத்தை 8 வாரங்களில் இடிக்க அதிகாரிகளுக்கு உத்தரவிட்டது.

சென்னை தியாகராய நகர் பாண்டி பஜாரில் தரைத்தளத்துடன் கூடிய 3 தளங்களுக்கு மட்டுமே அனுமதி பெற்றுவிட்டு, அனுமதியின்றி 10 தளங்கள் கட்டியதாக தனியார் கட்டுமான நிறுவனத்துக்கு சென்னை பெருநகர வளர்ச்சிக் குழுமம் தரப்பில் நோட்டீஸ் பிறப்பிக்கப்பட்டது.

இதை எதிர்த்து அந்த நிறுவனம் தரப்பில் உயர்நீதிமன்றத்தில் வழக்கு தொடரப்பட்டது.