அறிமுகத்தில் அசத்தும் மனவ் சுதர்: இந்தியாவின் கட்டுப்பாட்டில் முலன்பூர் டெஸ்ட்

ஆப்கானிஸ்தானுக்கு எதிரான டெஸ்ட் கிரிக்கெட்டில் இந்தியா முதல் இன்னிங்ஸில் 8 விக்கெட்டுகள் இழப்புக்கு 564 ரன்கள் சேர்த்து டிக்ளேர் செய்தது.

- 

அடுத்து தனது இன்னிங்ஸை விளையாடி வரும் ஆப்கானிஸ்தான், ஞாயிற்றுக்கிழமை முடிவில் 113 ரன்களுக்கே 5 விக்கெட்டுகளை இழந்துள்ளது. இந்திய அணியில் அறிமுகமான மானவ் சுதர் 3 விக்கெட்டுகள் சாய்த்து அசத்தினார்.

கடந்த சனிக்கிழமை தொடங்கிய இந்த ஆட்டத்தில் டாஸ் வென்று பேட் செய்த இந்தியா, முதல் நாள் முடிவில் 3 விக்கெட்டுகள் இழப்புக்கு 368 ரன்கள் சேர்த்திருந்தது. கேப்டன் ஷூப்மன் கில் 103, ரிஷப் பந்த் 50 ரன்களுடன் இந்தியாவின் இன்னிங்ஸை 2-ஆவது நாளான ஞாயிற்றுக்கிழமை தொடர்ந்தனர். நிதானமாக ரன்கள் சேர்த்த இந்த ஜோடி, 4-ஆவது விக்கெட்டுக்கு 169 ரன்கள் சேர்த்தது. இதில் முதலில் கில் வீழ்த்தப்பட்டார். 15 பவுண்டரிகள், 1 சிக்ஸருடன் 126 ரன்கள் சேர்த்த அவர், முகமது சலீம் வீசிய 96-ஆவது ஓவரில் விக்கெட் கீப்பர் அஃப்சர் ஜாஸாயிடம் கேட்ச் கொடுத்தார்.