திமுக ஆட்சியில் கட்டுமான பொருள்களின் விலை உயர்வு

திமுகவின் 4 ஆண்டு ஆட்சிக் காலத்தில் கட்டுமானப் பொருள்களின் விலை பல மடங்கு உயர்ந்துவிட்டதாக அதிமுக பொதுச் செயலாளர் எடப்பாடி கே.பழனிசாமி குற்றஞ்சாட்டியுள்ளார்.

- 

கோவை, செப். 13:

'மக்களைக் காப்போம், தமிழகத்தை மீட்போம்' என்ற பெயரில் மாநிலம் முழுவதும் தேர்தல் பிரசாரத்தில் ஈடுபட்டு வரும் எடப்பாடி கே.பழனிசாமி, கோவையில் சிங்காநல்லூர், சூலூர் தொகுதிகளில் சனிக்கிழமை தேர்தல் பிரசாரத்தில் ஈடுபட்டார். கூட்டத்தில் அவர் பேசியதாவது:

தமிழ்நாட்டில் தொழில் நிறைந்த மாவட்டமான கோவையில் கடந்த அதிமுக ஆட்சியில் தொழில்கள் வளமாக இருந்தன. 3 ஷிப்டுகளில் வேலை நடைபெற்றது. ஆனால், தற்போது நாளொன்றுக்கு ஒரு ஷிப்டு மட்டுமே வேலை நடைபெறுகிறது.