உழவர் நல சேவை மையம் அமைக்க மானியம்

கரூர் மாவட்டத்தில் வேளாண் பட்டயப்படிப்பு படித்தவர்கள் மற்றும் பட்டதாரிகளுக்கு உழவர் நல சேவை மையம் அமைக்க மானியம் வழங்கப்படுவதாக மாவட்ட ஆட்சியர் மீ.தங்கவேல் தெரிவித்துள்ளார்.

- 

கரூர், செப்.12:

இதுகுறித்து அவர் வெள்ளிக்கிழமை வெளியிட்டுள்ள செய்திக் குறிப்பு: தமிழகத்தில் ஒவ்வொரு ஆண்டும் சுமார் 4,000 வேளாண் பட்டதாரிகளும், 600-க்கும் மேற்பட்ட வேளாண் பட்டயப் படிப்பு முடித்தவர்களும் வெளிவருகிறார்கள். அவர்களின் நிபுணத்துவம் மற்றும் தொழில் நுட்ப அறிவை பயன்படுத்தி முதலமைச்சரின் உழவர் நல சேவை மையங்கள் நிறுவுவதற்கு, ஒரு மையத்துக்கு 30 சதவீதம் அல்லது அதிகபட்சமாக ரூ.3 லட்சம் முதல் ரூ.6 லட்சம் வரை மானியமாக வழங்கப்படும். இந்த மையங்கள் விவசாய ஆதரவிற்கான மையங்களாக செயல்படும்.