காவல் நிலையங்களில் வீணாகும் பறிமுதல் வாகனங்கள்!

சமூக ஆர்வலர்கள் அதிருப்தி

- சி. சண்முகவேல்

அரியலூர், செப்.1: அரியலூர் நகர எல்லைக்குள்பட்ட பகுதிகளில் பல்வேறு குற்றவழக்குகள் தொடர்பாக பறிமுதல் செய்யப்பட்ட இரண்டு, மற்றும் நான்கு சக்கர வாகனங்கள் திறந்தவெளியில் நிறுத்தப்பட்டு துருபிடித்து வீணாகி வருவது சமூக ஆர்வலர்கள் மத்தியில் அதிருப்தியை ஏற்படுத்தியுள்ளது.

அரியலூர் நகர காவல் நிலைய எல்லைக்குள்பட்ட பல்வேறு இடங்களில் காவல் துறையினர் சோதனையின்போது கொலை, கொள்ளை, வழிப்பறி மற்றும் சாலை விபத்து உள்பட பல்வேறு குற்ற வழக்குகளில் தொடர்புடைய வாகனங்கள் பறிமுதல் செய்யப்படுகின்றன. இந்த வாகனங்கள் வழக்கு முடியும் வரை காவல் நிலையங்களில் நிறுத்தி வைக்கப்படுகின்றன.