நலம் காக்கும் ஸ்டாலின்' முகாமில் நலத்திட்ட உதவிகள்

அரியலூர் மாவட்டம், தா. பழூர் அரசு மேல்நிலைப் பள்ளி வளாகத்தில், சனிக்கிழமை நடைபெற்ற 'நலம் காக்கும் ஸ்டாலின்' மருத்துவ முகாமில் பயனாளிகளுக்கு நலத்திட்ட உதவிகள் வழங்கப்பட்டன.

- 

அரியலூர் / பெரம்பலூர், ஆக. 30:

முகாமை, ஆட்சியர் பொ.ரத்தினசாமி பார்வையிட்டு, பொதுமக்களிடம் மருத்துவ சேவைகள் வழங்கப்படுவது குறித்துக் கேட்டறிந்தார். மேலும், தொழிலாளர் நலன் மற்றும் திறன் மேம்பாட்டுத்துறை சார்பில் 2 பயனாளிகளுக்கு தலா ரூ.20 ஆயிரம் திருமண உதவித்தொகை, 1 பயனாளிக்கு ரூ.1,200 ஓய்வூதிய உதவித்தொகை, 1 பயனாளிக்கு ரூ.6 ஆயிரம் கல்வி உதவித்தொகை ஆகியவற்றுக்கான ஆணைகளையும், மருத்துவம் மற்றும் மக்கள் நல்வாழ்வுத்துறையின் சார்பில் முகாமுக்கு வருகைபுரிந்த 5 கர்ப்பிணித் தாய்மார்களுக்கு ஊட்டச்சத்து பெட்டகங்களையும் வழங்கி, 'நலம் காக்கும் ஸ்டாலின்' உயர் மருத்துவ சேவை முகாம்களை பொதுமக்கள் பயன்படுத்திக்கொள்ளுமாறு கேட்டுக் கொண்டார்.