அரியலூரில் 426, கரூரில் 415, பெரம்பலூரில் 256 விநாயகர் சிலைகள் பிரதிஷ்டை

விநாயகர் சதுர்த்தி விழா வையொட்டி அரியலூர் மாவட்டத்தில் 426 விநாயகர் சிலைகள் புதன்கிழமை பிரதிஷ்டை செய்யப்பட்டுள்ளன.

- 

அரியலூர் / கரூர் / பெரம்பலூர், ஆக.27:

விநாயகர் சதுர்த்தியை முன்னிட்டு அரியலூர் மாவட்டத்திலுள்ள விநாயகர் கோயில்களில் சனிக்கிழமை சிறப்பு வழிபாடுகள் நடைபெற்றன. பக்தர்கள் நீண்ட வரிசையில் நின்று சாமி தரிசனம் செய்தனர்.

அரியலூர், ஜெயங்கொண்டம், ஆண்டிமடம், மீன்சுருட்டி, செந்துறை, பொன்பரப்பி, தா.பழூர், திருமானூர், திருமழபாடி, கீழப்பழுவூர் உள்ளிட்ட 426 இடங்களில் விநாயகர் சிலைகள் வைக்க காவல் துறை அனுமதி அளித்தது. இதை யடுத்து அந்த இடங்களில் விநாயகர் சிலைகள் பிரதிஷ்டை செய்யப்பட்டது. பல இடங்களில் சிறியது முதல் பெரிய அளவிலான விநாயகர் சிலைகளை வைத்து வழிபாடுகள் நடத்தப்பட்டது.

பிரச்னைக்குரிய இடங்களில் காவல் துறையினர் பாதுகாப்பு பணியில் ஈடுபடுத்தப்பட்டுள்ளனர். அதிகாலை முதலே விநாயகருக்கு சிறப்பு வழிபாடுகள் நடைபெற்றது. வீடுகளிலும், விநாயகர் சிலைகள் வைத்து, அவல், பொறி, பழங்கள் படைத்து மக்கள் வழிபட்டனர்.

அரியலூர் கடைவீதிகளில் விற்பனைக்கு வந்த களிமண்ணால் செய்யப்பட்ட சிறிய விநாயகர் சிலைகளை போட்டி போட்டு வாங்கிச் சென்றனர். இந்த ஆண்டு 3 முதல் 13 அடி உயரம் வரையிலான விநாயகர் சிலைகளுக்கு மட்டுமே காவல் துறையினர் அனுமதி வழங்கியுள்ளனர். பொதுமக்களுக்கு இடையூறு ஏற்படுத்தக்கூடிய இடங்களில் யாரும் சிலைகளை வைக்கக் கூடாது என்று எச்சரித்துள்ளனர். உரிய அனுமதி பெற்ற பின்பே சிலைகள் வைக்கப்பட வேண்டும் என்று அறிவுறுத்தியுள்ளனர்.

இந்நிலையில், மாவட்ட முழுவதும் விதவிதமாக கோணத்தில் விநாயகர் சிலைகள் வைக்கப்பட்டு வருகிறது.

தா.பழூர்: அரியலூர் மாவட்டம், தா.பழூரில் விசாலாட்சி அம்மன் உடனுறை விஸ்வநாதர் கோயிலில் விநாயகர் சதுர்த்தி விழாவை முன்னிட்டு சிறப்பு வழிபாடு நடைபெற்றது.

கரூர்: கரூர் மாவட்டத்தில் 415 இடங்களில் விநாயகர் சிலைகள் புதன்கிழமை பிரதிஷ்டை செய்யப்பட்டுள்ளது.