எல்லைப் பகுதிகளில் திட்டமிட்ட மக்கள்தொகை ஏற்றத்தாழ்வு

‘நாட்டின் எல்லைப் பகுதிகளில் வேண்டுமென்றே திட்டமிட்டுச் செய்யப்படும் மக்கள் தொகை ஏற்றத்தாழ்வு, இந்தியாவின் தேச பாதுகாப்புக்கு நேரடி அச்சுறுத்தலாக இருக்கிறது’ என்று மத்திய உள்துறை அமைச்சர் அமித் ஷா தெரிவித்தார்.

- 

புது தில்லி, ஆக. 26:

தில்லியில் செவ்வாய்க்கிழமை தொடங்கிய வளமான கிராமங்கள் திட்டத்தின் (விவிபி) இரண்டு நாள் கருத்தரங்கு அமர்வில் அமைச்சர் அமித் ஷா ஆற்றிய உரை:

எல்லை மாவட்டங்களின் மாவட்ட ஆட்சியர்கள், தங்கள் அதிகார வரம்புக்குட்பட்ட பகுதிகளில் காணப்படும் சட்டவிரோத மத ஆக்கிரமிப்புகளை அகற்ற உடனடியாக உரிய நடவடிக்கைகளை எடுக்க வேண்டும்.

எல்லைகளிலிருந்து குறைந்தபட்சம் 30 கிலோமீட்டர் சுற்றளவுக்குள் அமைந்துள்ள அனைத்து சட்டவிரோத ஆக்கிரமிப்புகளையும் முழுமையாக அகற்ற வேண்டும். கடல் மற்றும் நில எல்லைப் பகுதிகளில் இதுபோன்ற ஆக்கிரமிப்புகளை அகற்றுவதில், குஜராத் அரசு மேற்கொண்ட முயற்சிகள் பாராட்டுக்குரியவை.