பள்ளித் தாளாளர் வீட்டில் 40 பவுன் நகைகள் கொள்ளையடித்த சம்பவம்: 9 பேர் கைது

கரூர் மாவட்டம், குளித்தலையில் தனியார் பள்ளித் தாளாளர் வீட்டில் 40 பவுன் நகைகள் மற்றும் ரூ.7 லட்சம் ரொக்கத்தை கொள்ளையடித்துச் சென்ற மர்ம நபர்களுக்கு உதவியதாக 9 பேரை போலீஸார் வியாழக்கிழமை கைது செய்தனர்.

- 

கரூர், ஆக. 21:

குளித்தலை காவேரி நகரைச் சேர்ந்தவர் கருணாநிதி (70). இவர், திருச்சி மாவட்டம் முசிறி அறிஞர் அண்ணா கலைக் கல்லூரியில் முதல்வராகப் பணியாற்றி ஓய்வு பெற்றவர். இவரது மனைவி சாவித்திரி (65), குளித்தலை அரசு ஆண்கள் மேல்நிலைப் பள்ளியில் ஆசிரியையாக வேலை பார்த்து ஓய்வு பெற்றவர். தம்பதிக்கு 2 மகள்கள், 1 மகன் உள்ளனர்.

இவர்கள், குளித்தலை, குளித்தலை அருகே வை.புதூர், நாமக்கல் உள்ளிட்ட இடங்களில் பள்ளிகளை நடத்தி வந்தனர்.