இந்திய பொருள்கள் மீது ஆகஸ்ட் 1 முதல் 25% வரி

அமெரிக்க அதிபர் டிரம்ப் அறிவிப்பு

- 

நியூயார்க், ஜூலை 30: 'இந்தியாவுடன் வர்த்தக ஒப்பந்தம் இப்போது வரை இறுதி செய்யப்படவில்லை. எனவே, இந்தியாவிலிருந்து இறக்குமதி செய்யப்படும் பொருள்கள் மீது வரும் ஆகஸ்ட் 1-ஆம் தேதி முதல் 25 சதவீத வரி விதிக்கப்படும்' என்று அமெரிக்க அதிபர் டொனால்ட் டிரம்ப் புதன்கிழமை அறிவித்தார்.

இந்தியா-அமெரிக்கா இடையிலான வர்த்தக ஒப்பந்தப் பேச்சுவார்த்தை நடைபெற்று வருகிறது. வரும் செப்டம்பர்-அக்டோபர் மாதத்துக்குள் முதல்கட்ட வர்த்தக ஒப்பந்தத்தை இறுதி செய்ய காலக்கெடு நிர்ணயிக்கப்பட்டது.

வாஷிங்டன் நகரில் கடந்த 14 முதல் 17-ஆம் தேதி வரை இரு தரப்பிலும் ஐந்தாவது சுற்று பேச்சு நடைபெற்றது.