ஒசாகா, புச்சார்டு முதல் சுற்றில் வெற்றி

கனடா ஓபன் டென்னிஸ் போட்டியின் முதல் சுற்றில், 4 முறை கிராண்ட்ஸ்லாம் சாம்பியனான ஜப்பானின் நவோமி ஒசாகா, உள்நாட்டு வீராங்கனை யுஜின் புச்சார்டு ஆகியோர் வெற்றி பெற்றனர்.

- 

மான்ட்ரியல், ஜூலை 29:

மகளிர் ஒற்றையர் முதல் சுற்றில், ஒசாகா 6-4, 6-2 என்ற நேர் செட்களில், கனடாவின் அரியானா ஆர்செனால்டை 1 மணி நேரம், 16 நிமிஷங்களில் வென்றார். அடுத்து அவர், போட்டித்தரவரிசையில் 13-ஆம் இடத்திலிருக்கும் ரஷியாவின் லுட்மிலா சாம்சோனோவாவுடன் மோதுகிறார்.

மற்றொரு ஆட்டத்தில், இந்த கனடா ஓபன் போட்டியுடன் டென்னிஸ் களத்திலிருந்து விடைபெறுவதாக அறிவித்திருக்கும் உள்நாட்டு வீராங்கனை யுஜின் புச்சார்டு 6-4, 2-6, 6-2 என்ற வகையில் கொலம்பியாவின் எமிலியானோ அராங்கோவை தோற்கடித்தார். 2-ஆவது சுற்றில், போட்டித்தரவரிசையில் 17-ஆம் இடத்திலிருக்கும் சுவிட்ஸர்லாந்தின் பெலிண்டா பென்சிச்சை சந்திக்கிறார் புச்சார்டு.