அரசமைப்புச் சட்டப் பதவியை தவறாகப் பயன்படுத்துகிறார் ராகுல்

தனது குடும்பத்தினரின் குற்றங்களை மறைக்க தான் வகிக்கும் அரசமைப்புச் சட்டப் பதவியை (மக்களவை எதிர்க்கட்சித் தலைவர்) தவறாகப் பயன்படுத்துகிறார் ராகுல் காந்தி என்று பாஜக குற்றஞ்சாட்டியுள்ளது.

- 

புது தில்லி, ஜூலை 19:

ஹரியாணாவில் நில பேரம் தொடர்பான பண முறைகேடு வழக்கில் ராபர்ட் வதேராவுக்கு எதிராக அமலாக்கத் துறை குற்றப்பத்திரிகை தாக்கல் செய்துள்ள நிலையில், அவருக்கு ஆதரவாக ராகுல் காந்தி வெள்ளிக்கிழமை சில கருத்துகளைத் தெரிவித்தார்.

‘எனது மைத்துனர் வதேராவை மத்திய அரசு கடந்த 10 ஆண்டுகளாக வேட்டையாடி வருகிறது. அதன் தொடர்ச்சியாகவே அவர் மீது குற்றப்பத்திரிகை தாக்கல் செய்யப்பட்டுள்ளது. இந்த இக்கட்டான தருணத்தில் வதேரா, எனது சகோதரி பிரியங்கா மற்றும் அவர்களின் குழந்தைகளுக்கு துணை நிற்கிறேன்’ என்று எக்ஸ் வலைதளத்தில் ராகுல் பதிவிட்டிருந்தார்.