பெரம்பலூர் அருகே சோகம் நாட்டு மருந்து புகட்டிய இரட்டை பெண் குழந்தைகள் உயிரிழப்பு

பெரம்பலூர் அருகே நாட்டு மருந்து புகட்டியதால் வயிற்றுப்போக்கு ஏற்பட்டதில் 11 மாத இரட்டை பெண் குழந்தைகள் வெள்ளிக்கிழமை நள்ளிரவு உயிரிழந்தன.

- 

பெரம்பலூர், ஜூலை 12:

பெரம்பலூர் மாவட்டம், வேப்பந்தட்டை வட்டம், வாலிகண்டபுரம் கிராமத்தைச் சேர்ந்த கந்தசாமிக்கும் (38), தனலட்சுமிக்கும் (33), கடந்த 12 ஆண்டுகளுக்கு முன்பு திருமணம் நடைபெற்றது. இவர்களுக்கு, அகிலன் (8) எனும் மகன் உள்ளார். துபையில் பணிபுரிந்து வரும் கந்தசாமிக்கு, கடந்த 11 மாதங்களுக்கு முன் இரட்டை பெண் குழந்தைகள் பிறந்துள்ளது. இந்நிலையில், குழந்தைகள் ரேஷ்மா, தனுஸ்ரீ ஆகியோருக்கு கடந்த சில நாள்களாக காய்ச்சல் மற்றும் வயிற்றுப்போக்கு ஏற்பட்டு உடல் நலன் பாதிக்கப்பட்டுள்ளது.