பிற நாட்டவர் என்ற சந்தேகத்தில் சட்டவிரோத வெளியேற்றம்: அஸ்ஸாம் அரசுக்கு எதிராக உச்சநீதிமன்றத்தில் மனு

இந்திய குடிமக்கள் அல்லாதோர் என சந்தேகிக்கப்படும் நபர்களை எவ்வித முறையான நடைமுறையையும் பின்பற்றாமல் சட்டவிரோதமாக வெளியேற்றும் பணிகளை அஸ்ஸாம் மாநில அரசு தொடர்ந்து மேற்கொண்டு வருவதாக உச்சநீதிமன்றத்தில் மனுதாக்கல் செய்யப்பட்டது.

- 

புது தில்லி, மே 31:

வெளியேற்றப்படும் நபர்களின் பூர்விக நாடு குறித்த சான்றிதழ்களை சரிபார்க்காமலும் அவர்களுக்கு சட்டத்தில் விதிவிலக்கு ஏதும் வழங்கப்பட்டுள்ளதா என்பதை ஆய்வுசெய்யாமலும் இந்தப் பணிகளை அஸ்ஸாம் அரசு மேற்கொள்வதாக அந்த மனுவில் குற்றஞ்சாட்டப்பட்டுள்ளது.

குடிமக்கள் அல்லாதோர் என கண்டறியப்பட்டு பூர்விகம் சரிபார்க்கப்பட்ட 63 வெளிநாட்டவரை 2 வாரங்களுக்குள் வெளியேற்றுமாறு அஸ்ஸாம் அரசுக்கு கடந்த பிப்ரவரி 4-ஆம் தேதி வேறொரு வழக்கில் உச்சநீதிமன்றம் உத்தரவிட்டது.