பயங்கரவாதத்தால் எங்களை மௌனமாக்கிவிட முடியாது

பயங்கரவாதத்தால் எங்களை மௌனமாக்கிவிட முடியாது என்ற செய்தியை உலகுக்கு அளிக்கவே நாங்கள் வெளிநாடுகளுக்கு பயணம் மேற்கொள்கிறோம் என்று காங்கிரஸ் எம்.பி. சசி தரூர் தெரிவித்தார்.

- சசி தரூர்

புது தில்லி, மே 24:

பஹல்காம் பயங்கரவாதத் தாக்குதலைத் தொடர்ந்து பாகிஸ்தானில் உள்ள பயங்கரவாத முகாம்களைத் தகர்க்கும் நோக்கில் 'ஆபரேஷன் சிந்தூர்' நடவடிக்கையை இந்தியாவின் முப்படைகளும் மேற்கொண்டன. இந்த நடவடிக்கை குறித்து உலக நாடுகளுக்கு விளக்குவதற்காக 7 எம்.பி.க்கள் தலைமையில் குழுக்கள் அமைக்கப்பட்டுள்ளன. அவற்றில் காங்கிரஸ் எம்.பி. சசி தரூர் தலைமையிலான குழு அமெரிக்கா, கயானா, பனாமா, கொலம்பியா, பிரேஸில் ஆகிய ஐந்து நாடுகளில் பயணம் மேற்கொள்வதற்காக வெள்ளிக்கிழமை நள்ளிரவு புது தில்லியிலிருந்து புறப்பட்டது.