ஒரே நாடு ஒரே தேர்தல் திட்ட மசோதாக்கள்: மக்கள் கருத்துகளைப் பெற புதிய வலைதளம்

'ஒரே நாடு, ஒரே தேர்தல்' திட்டம் தொடர்பான மசோதாக்களை ஆய்வு செய்யும் நாடாளுமன்ற கூட்டுக் குழு, இவ்விவகாரத்தில் நாடு முழுவதும் இருந்து மக்களிடம் கருத்துகளைப் பெற புதிய வலைதளத்தை விரைவில் தொடங்கவுள்ளது.

- 

புது தில்லி, மார்ச் 11:

மக்களவை மற்றும் மாநில சட்டப்பேரவைகளுக்கு ஒரே நேரத்தில் தேர்தல் நடத்தும் 'ஒரே நாடு, ஒரே தேர்தல்' நடைமுறையை அமல்படுத்த மத்திய பாஜக அரசு திட்டமிட்டுள்ளது.

இதுதொடர்பான முன்னாள் குடியரசுத் தலைவர் ராம்நாத் கோவிந்த் தலைமையிலான உயர் நிலைக் குழு அறிக்கையின் அடிப்படையில், திட்டத்தை செயல்படுத்தவதற்கு அரசமைப்புச் சட்டத்தில் திருத்தம் கொண்டு வரும் 2 மசோதாக்கள் கடந்த ஆண்டு நடந்த குளிர்காலக் கூட்டத்தொடரில் மக்களவையில் தாக்கல் செய்யப்பட்டன.