இன்று பணவியல் கொள்கை முடிவு: சென்செக்ஸ் சரிவுடன் நிறைவு

இந்த வாரத்தின் இரண்டாவது வர்த்தக தினமான செவ்வாய்க்கிழமை பங்குச்சந்தை எதிர்மறையாக முடிந்தது.

- நமது நிருபர்

மும்பை / புது தில்லி, ஆக. 5: இந்த வாரத்தின் இரண்டாவது வர்த்தக தினமான செவ்வாய்க்கிழமை பங்குச்சந்தை எதிர்மறையாக முடிந்தது. இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் சரிவுடன் முடிவடைந்தன.

உலகளாவிய சந்தைக்குறிப்புகள் நேர்மறையாக இருந்தன. ஆனால், உள்நாட்டுச் சந்தை எச்சரிக்கையுடன் தொடங்கி சற்று மேலே சென்றது. இந்நிலையில், புதன்கிழமை அன்று ரிசர்வ் வங்கியின் பணவியல் கொள்கை அறிவிப்பு வெளியாக உள்ளதால் முதலீட்டாளர்கள் எச்சரிக்கையுடன் செயல்பட்டனர்.