4 சுங்கச்சாவடிகளுக்கான நிலுவைத் தொகையை செலுத்த முடிவு

தென்மாவட்ட நெடுஞ்சாலைகளில் உள்ள 4 சுங்கச்சாவடிகளுக்கு செலுத்த வேண்டிய நிலுவைத் தொகையில் 50 சதவீதத்தை ஆக.15-க்குள்ளும், மீதித் தொகையை செப்டம்பர் மாதத்திலும் செலுத்த முடிவு செய்யப்பட்டதாக தமிழக அரசு சென்னை உயர்நீதிமன்றத்தில் தெரிவித்தது.

- 

சென்னை, ஆக.2:

தென்மாவட்ட நெடுஞ்சாலைகளில் உள்ள கப்பலூர், எட்டுராவட்டம், சாலைப்புதூர், நான்குனேரி ஆகிய சுங்கச்சாவடிகளை நிர்வகிக்கக் கூடும் தனியார் நிறுவனங்கள் சார்பில் சென்னை உயர்நீதிமன்றத்தில் தாக்கல் செய்த மனுவில், அரசுப் போக்குவரத்துக் கழகங்கள் சுங்கச்சாவடிகளுக்கு செலுத்த வேண்டிய ரூ.276 கோடியை நிலுவை வைத்துள்ளன. இந்த நிலுவைத் தொகையை விரைந்து விடுவிக்க போக்குவரத்துக் கழகத்துக்கு உத்தரவிட வேண்டும் என கூறப்பட்டிருந்தது.