யஷ்வந்த் வர்மா விவகாரத்தில் தீர்மானம் கொண்டுவராதது ஏன்?: நாடாளுமன்ற குழு கேள்வி

நீதிபதி யஷ்வந்த் வர்மாவுக்கு எதிராக மத்திய அரசு பதவிநீக்க தீர்மானம் கொண்டுவராதது ஏன் என்று நாடாளுமன்ற குழு செவ்வாய்க்கிழமை கேள்வி எழுப்பியது.

- 

புது தில்லி, ஜூன் 24:

தில்லி உயர்நீதிமன்ற நீதிபதியாக யஷ்வந்த் வர்மா (தற்போது அலகாபாத் உயர்நீதிமன்ற நீதிபதி) பதவி வகித்தபோது, அங்கு அவர் வசித்த அதிகாரபூர்வ இல்லத்தில் கடந்த மார்ச் 14-ஆம் தேதி தீ விபத்து ஏற்பட்டது. அப்போது, அங்குள்ள அறையில் பாதி எரிந்த மூட்டைகளில், கட்டுக்கட்டாக பணம் இருந்தது கண்டறியப்பட்டது. அந்த பணம் பின்னர் மாயமானது.