47 ஆண்டுகள் கல்விச் சேவையில் விவேகானந்தா வித்யாஷ்ரம் பள்ளி

பன்முகச் செழுங்கலைகளால் செழிக்கும் திருநெல்வேலி மாநகரத்தில் 47 ஆண்டுகளாக மாணவச் செல்வங்களுக்கு நம்பிக்கையையும், கல்வியையும் ஒருசேர அளித்து பல்லாயிரம் மாணவச் செல்வங்களின் வாழ்வில் வெற்றி தீபம் ஏற்றி வைத்துப் புகழ் பெற்று விளங்கும் வெற்றிவேல் கல்வியகத்தின் முதல்வர் சிவ. சேதுராமனின் ஆழ்ந்த பட்டறிவு, பட்டை தீட்ட வைரமென திகழ்வது விவேகானந்தா வித்யாஷ்ரம் மெட்ரிக் மேல்நிலைப் பள்ளியாகும்.

- 

கற்றலும், கற்பித்தலும் சுகமானதாக இருக்க வேண்டும். ஒருபோதும் சுமையாகி விடக்கூடாது என்ற நினைப்போடு மாணவர் மாணவி விருப்பத்தை தூண்டி, அதனோடு பண்பாடு, நல்லொழுக்கம் ஆகிய நல்ல பண்புகளை ஊட்டி அறிவார்ந்த நல்ல மனிதனாக சமூகத்துக்கு அளிப்பதே இப்பள்ளியின் குறிக்கோள்.

2008 - 2009இல் 1 முதல் 5 வரை வகுப்புகளோடு மொட்டு விரித்த இப்பள்ளி 2009-2010 ஆம் கல்வியாண்டில் 8 ஆம் வகுப்பு வரையுள்ள ஆங்கில வழி மெட்ரிக் பள்ளியாக மணம் வீசியது. 2011- 2012 ஆம் கல்வியாண்டில் உயர்நிலைப்பள்ளியாக ஏற்றம் பெற்றது. 2012-2013 ஆம் கல்வியாண்டில் 11 ஆம் வகுப்பு. 2013-2014 ஆம் ஆண்டில் 12ஆம் வகுப்பு என மேல்நிலைப்பள்ளியாக முழுமை கண்டுள்ளது. உறுதியோடு செயல்படுத்தும் தாளாளர் முனைவர் சேது. திருமாறன் ஆகியோர் கூட்டு முயற்சியே பள்ளித் தலைவர் சிவ. சேதுராமன் கனவுகளை தொடுவான மாக்காமல் தொடும் வானமாய் வசப்படச்செய்துள்ளது.