ராணுவ துணைத் தலைமை தளபதியாக லெப்டினன்ட் ஜெனரல் ராஜீவ் நியமனம்

இந்திய ராணுவ நடவடிக்கைகள் தலைமை இயக்குநர் (டிஜிஎம்ஓ) லெப்டினன்ட் ஜெனரல் ராஜீவ் காய் ராணுவத் துணை தலைமைத் தளபதியாக பதவி உயர்வு பெற்றுள்ளார்.

- நமது சிறப்பு நிருபர்

நமது சிறப்பு நிருபர் புது தில்லி, ஜூன் 9:

ராணுவ நடவடிக்கைகள் இயக்குநரகத்தின் தலைமை இயக்குநராகவும் (டிஜிஎம்ஓ) அவர் தொடர்ந்து பணியாற்றுவார் என்று பாதுகாப்புத் துறை தெரிவித்துள்ளது.

கடந்த மே மாதம் பாகிஸ்தான் மண்ணில் பயங்கரவாத உள்கட்டமைப்புகளை இலக்கு வைத்து இந்திய ராணுவம் நடத்திய 'ஆபரேஷன் சிந்தூர்' நடவடிக்கையின்போது டிஜிஎம்ஓ லெப்டினன்ட் ஜெனரல் ராஜீவ் காய் பரவலான கவனத்தை ஈர்த்தார். அந்த நடவடிக்கை தொடர்பான முக்கியமான ஊடக சந்திப்புகளின்போது இந்திய ராணுவத்தை பிரதிநிதித்துவப்படுத்தி ஆபரேஷன் சிந்தூரின் நிலவரம், உத்திகள் மற்றும் முடிவுகளை அவர் விளக்கினார்.