தொடர்கிறது ராமதாஸ்-அன்புமணி மோதல்

பாட்டாளி மக்கள் கட்சி நிறுவனர் ச. ராமதாஸ், அவரது மகனும் கட்சித் தலைவருமான அன்புமணி ராமதாஸ் ஆகியோர் இடையிலான மோதல் தொடர்ந்து வருகிறது.

- 

விழுப்புரம்/சென்னை, மே 30:

கட்சியின் பொருளாளர் திலகபாமாவை நீக்கி புதிய பொருளாளரை ராமதாஸ் வெள்ளிக்கிழமை அறிவித்தார். இந்த அறிவிப்பு வெளியானவுடனேயே, பொருளாளர் பொறுப்பில் திலகபாமா தொடர்வார் என அன்புமணி அறிவித்தார்.

மாநிலப் பொருளாளர், மாவட்டச் செயலர்கள் நீக்கம்: பாமக தலைவர் அன்புமணி மீது கட்சியின் நிறுவனர் ராமதாஸ் வியாழக்கிழமை பல்வேறு குற்றச்சாட்டுகளை முன்வைத்தார். வளர்த்த கிடாவே மார்பில் எட்டி உதைத்துவிட்டது என்று மனவருத்தத்துடன் தெரிவித்தார்.

இந்தநிலையில், தைலாபுரம் தோட்டத்திலுள்ள இல்லத்தில் மருத்துவர் ச.ராமதாஸை கௌரவத் தலைவர் ஜி.கே.மணி, பொதுச் செயலர் வடிவேல் ராவணன், அரசியல் ஆலோசனைக் குழுத் தலைவர் பேராசிரியர் தீரன், சேலம் மேற்கு தொகுதி பாமக எம்எல்ஏ ஆர்.அருள் உள்ளிட்டோர் வெள்ளிக்கிழமை சந்தித்து பேசினர்.