நாக் அவுட்டில் கேப் வர்டே: வரலாறு படைத்தது

பலம் வாய்ந்த சௌதி அரேபியாவுடன் டிரா கண்ட நிலையில் ஆப்பிரிக்காவின் சிறிய நாடுகளில் ஒன்றான கேப் வர்டே பிஃபா உலகக் கோப்பை கால்பந்து தொடரில் நாக் அவுட் சுற்றுக்கு முன்னேறி வரலாறு படைத்தது.

- 

அமெரிக்காவின் ஹூஸ்டன் நகரில் இரு அணிகளுக்கு இடையிலான குரூப் ஹெச் பிரிவு ஆட்டம் நடைபெற்றது. இப்பிரிவில் பலம் வாய்ந்த முன்னாள் சாம்பியன்களான ஸ்பெயின், உருகுவே, சௌதி அரேபியா ஆகியவை இடம் பெற்றிருந்தன. ஆப்பிரிக்க கண்டத்தில் அட்லாண்டிக் பெருங்கடல் ஓரம் 10 தீவுகள் கூட்டமான கேப் வர்டே இப்போட்டியில் எந்த எதிர்பார்ப்பும் இன்றி களம் கண்டது. முதன்முறையாக உலகக் கோப்பைக்கு தகுதி பெற்ற கேப் வர்டே இப்போட்டியில் பல்வேறு அதிர்ச்சிகளை அளித்து வருகிறது. இருமுறை சாம்பியன் உருகுவேக்கு எதிராக சிறப்பாக ஆடி 2-2 என்ற கோல் கணக்கில் டிரா கண்டு கேப் வர்டே அதிர்ச்சி அளித்தது.